అన‌సూయ ఎఫ్‌2లో సాంగ్‌లో న‌టించింది అనేది పాత మాట‌. 'ఎఫ్‌2'లో న‌టించ‌డం వ‌ల్ల ఆమె విష్‌లిస్ట్ లో ఒక విష‌యానికి టిక్ కొట్టింద‌ట అనేది కొత్త విష‌యం. అనసూయ ఎఫ్‌2లో న‌టించిందనే విష‌యాన్ని ద‌ర్శ‌కుడు అనిల్ రావిపూడి ట్విట్ట‌ర్‌లో ప్ర‌క‌టించారు.

అన‌సూయ ఈ చిత్రంలో ఓ పాట‌తో పాటు అతిథి పాత్ర కూడా పోషించింద‌ని ఆయ‌న తెలిపారు. దీనికి అన‌సూయ స్పందించారు. అవ‌కాశాన్ని త‌న‌కు ఇచ్చినందుకు ధ‌న్య‌వాదాలు చెప్పారు. అనిల్ రావిపూడి ద‌ర్శ‌క‌త్వంలో దిల్‌రాజు నిర్మిస్తున్న చిత్రం ఎఫ్‌2. శ్రీ వెంక‌టేశ్వ‌ర క్రియేష‌న్స్ ప‌తాకంపై రూపొందుతోంది. వెంక‌టేష్‌, వ‌రుణ్‌తేజ్ హీరోలు.

త‌మ‌న్నా, మెహ్రీన్ నాయిక‌లు. ఇందులో ఇంపార్టెంట్ రోల్లో గెస్ట్ గా క‌నిపిస్తుంది అన‌సూయ‌. ఈ చిత్రాన్ని జ‌న‌వ‌రిలో సంక్రాంతి కానుక‌గా విడుద‌ల చేయ‌డానికి స‌న్నాహాలు జ‌రుగుతున్నాయి. ఈ సినిమా క‌న్నా ముందే వ‌రుణ్ తేజ్‌కి 'అంత‌రిక్షం' విడుద‌ల‌వుతుంది.