అనసూయ బరువు పెరిగింది....
- IndiaGlitz, [Monday,November 14 2016]
జ‌బ‌ర్‌ద‌స్త్‌తో సెన్సేష‌న్ క్రియేట్ చేసిన బుల్లితెర యాంక‌ర్ అనసూయ వెండితెర‌పై కూడా సంద‌డి చేసింది. క్ష‌ణంలో కీల‌క పాత్ర‌లో న‌టించింది. అలాగే అక్కినేని నాగార్జున న‌టించిన 'సోగ్గాడే చిన్నినాయ‌నా' చిత్రంలో నాగ్ మ‌ర‌ద‌లుగా న‌టించి ఓ పాట‌లో కొంత‌మంది హీరోయిన్స్‌తో క‌లిసి సాంగ్‌లో కాలు క‌దిపింది. అయితే ఇప్పుడు ఓ పూర్తి నిడివి స్పెష‌ల్ సాంగ్ చేయ‌నుంద‌ట.
సుప్రీమ్ హీరో సాయిధ‌ర‌మ్ తేజ్‌, గోపీచంద్ మ‌లినేని కాంబినేష‌న్‌లో రూపొందుతోన్న 'విన్న‌ర్' సినిమాలో అనసూయ స్పెష‌ల్ సాంగ్ చేయ‌నుంది. ఆస‌క్తిక‌ర‌మైన విష‌య‌మేమంటే ఈ సినిమాలో ఈ స్పెష‌ల్ సాంగ్ కోసం అనసూయ 12 కిలోల బరువు పెరిగింద‌ని టాక్‌. అనసూయ పేరుతోనే సాంగ్ ఉండ‌టం, భారీ రెమ్యున‌రేష‌న్ త‌దిత‌ర కార‌ణాల‌తోనే అనసూయ రిస్కు తీసుకుంద‌ట. సాధార‌ణంగా ఇప్ప‌టి గ్లామ‌ర్ ప్ర‌పంచంలో హీరోయిన్స్‌, ఐటెమ్ గ‌ర్ల్స్ బరువు పెర‌గ‌డానికి ఇష్ట‌ప‌డ‌రు. కానీ అనసూయ క‌మిట్ మెంట్ కోసం బరువు పెర‌గింది. ఓ ర‌కంగా అన‌సూయ‌ను అభినందించాల్సిందే..