'అనసూయ' కి 10 ఏళ్లు
- IndiaGlitz, [Thursday,December 21 2017]
హీరోయిన్ ఓరియెంటెడ్ చిత్రాల్లో రాణించిన క‌థానాయిక‌ల్లో భూమికా చావ్లా ఒక‌రు. 'మిస్స‌మ్మ'లో త‌న న‌ట‌న‌తో అల‌రించ‌డ‌మే కాకుండా.. నంది పుర‌స్కారాన్ని కూడా సొంతం చేసుకున్నారు భూమిక. 'మిస్స‌మ్మ' త‌రువాత మ‌ళ్లీ విమెన్ సెంట్రిక్ మూవీలో భూమిక మెప్పించిన చిత్రం 'అనసూయ'. వ‌రుస హత్యల నేప‌థ్యంలో సాగే ఈ చిత్రంలో.. జ‌ర్న‌లిస్ట్ పాత్ర‌లో భూమిక న‌ట‌న ఆక‌ట్టుకునేలా ఉంటుంది.
ఇక ద‌ర్శ‌కుడు ర‌విబాబు ఈ చిత్రాన్ని తెర‌కెక్కించిన విధానం.. ఆద్యంతం ఆస‌క్తిక‌రంగా ఉంటుంది. ప్ర‌థ‌మార్థం అంతా హత్యల నేప‌థ్యంలో సాగితే.. ద్వితీయార్థం ఆ హత్యల తాలుకూ ప‌రిశోధ‌న, ఫ్లాష్ బ్యాక్ నేప‌థ్యంలో ఉంటుంది. కమ‌ర్షియ‌ల్‌గా మంచి స‌క్సెస్ అయిన ఈ చిత్రానికి శేఖ‌ర్ చంద్ర అందించిన నేప‌థ్య సంగీతం ప్ర‌ధాన ఆక‌ర్ష‌ణ‌గా నిలిచింది. అబ్బాస్‌, ర‌విబాబు, నిఖిత, అంకిత త‌దిత‌రులు ఇత‌ర ముఖ్య పాత్ర‌ల్లో న‌టించిన ఈ చిత్రానికి సుధాక‌ర్ రెడ్డి ఛాయాగ్ర‌హ‌ణం అందించారు. డిసెంబ‌ర్ 21, 2007న విడుద‌లైన 'అనసూయ'.. నేటితో 10 వ‌సంతాల‌ను పూర్తిచేసుకుంటోంది.