6 வயது சிறுமி பேட்டிங்கில் வெழுத்து வாங்கும் காட்சி… சோஷியல் மீடியாவில் வைரல்!
- IndiaGlitz, [Tuesday,June 15 2021]
6 வயது சிறுமி ஒருவர் பேட்ஸ்மேனுக்கான உடையோடு கிரிக்கெட் பேட்டை பிடித்து அபராமாக பேட்டிங் செய்கிறார். இதுகுறித்த வீடியோ கடந்த சில தினங்களாக சோஷியல் மீடியாவில் வைரலாகி வருகிறது.
கேரளாவின் கோழிக்கோடு பகுதியைச் சேர்ந்த சிறுமி மெகெக் ஃபாத்திமா. கிரிக்கெட் மீது ஆர்வம் கொண்ட இவர் 6 வயதிலேயே ஒரு தேர்ந்த பேட்ஸ்மேனைப் போன்று கணக் கச்சிதமாக பேட்டிங் செய்கிறார். இவர் பேட்டிங் செய்யும் 29 வினாடிகள் கொண்ட வீடியோ டிவிட்டரில் பதிவிடப்பட்டு உள்ளது. மேலும் நான் சிறுமி என்பதால் யாரும் எனக்கு சொல்லித்தர மாட்டீர்களா? என்பது போன்ற ஒரு வாசகமும் அந்தப் பதிவில் இடம்பிடித்து உள்ளது.
இந்த வீடியோவை கிரிக்கெட் மீது ஆர்வம் கொண்ட ஆனந்த் மகிந்திரா அவர்கள் தற்போது மத்திய இளைஞர் நலத்துறை அமைச்சர் கிரண் ரிஜிஜுவுக்கு டேக் செய்து இருப்பதும் குறிப்பிடத்தக்கது.
I keep getting forwards about kids around the globe being prodigies in soccer or basketball. Ok world, here’s our future superstar. @KirenRijiju let’s keep an eye on this young lady & not let her talent be wasted... https://t.co/3aSxDqOMmh
— anand mahindra (@anandmahindra) June 12, 2021