విజ‌య్ దేవ‌ర‌కొండ కుటుంబం నుంచి ఇండ‌స్ట్రీలోకి ఎంట్రీ ఇచ్చిన మ‌రో హీరో ఆయ‌న సోద‌రుడు ఆనంద్ దేవ‌ర‌కొండ‌. తొలి చిత్రం దొర‌సానితో న‌టుడిగా మంచి మార్కుల‌ను సంపాదించుకున్న ఆనంద్ దేవ‌ర‌కొండ వైవిధ్య‌మైన సినిమాల‌ను ఎంపిక చేసుకుంటున్నాడు. గ‌త ఏడాది ఓటీటీలో విడుద‌లైన మిడిల్‌క్లాస్ మెలోడీస్ సినిమాతో మంచి హిట్‌ను సొంతం చేసుకున్నాడు ఆనంద్ దేవ‌ర‌కొండ‌. ఆ వెంట‌నే సినిమాలు చేసేయాల‌ని ఆలోచ‌న‌ల‌తో కాకుండా మంచి స్క్రిప్ట్స్‌పై ఫోక‌స్ పెడుతున్నాడు. అందులో భాగంగా రీసెంట్‌గా ఓ థ్రిల్ల‌ర్ సినిమాలో ఆనంద్ దేవ‌ర‌కొండ న‌టించ‌డానికి ఓకే చేశాడ‌ని విశ్వ‌స‌నీయ‌వ‌ర్గాల స‌మాచారం.

వివ‌రాల మేర‌కు... ఆనంద్ దేవ‌ర‌కొండను డైరెక్ట‌ర్ కె.వి.గుహ‌న్ క‌లిసి ఓ థ్రిల్ల‌ర్ క‌థ‌ను వినిపించాడ‌ట‌. క‌థ న‌చ్చ‌డంతో ఆనంద్ దేవ‌ర‌కొండ సినిమాలో న‌టించ‌డానికి ఓకే చెప్పాడ‌ని టాక్. ఓ బేబీ వంటి సూప‌ర్ హిట్ చిత్రాన్ని రూపొందించిన నిర్మాత‌లు డి.సురేష్‌బాబు, సునీత తాటి ఈ చిత్రాన్ని నిర్మించ‌బోతున్నార‌ట‌. ప్ర‌స్తుతం స్క్రిప్ట్ ఫైన‌ల్ వెర్ష‌న్ రెడీ అవుతుంది. అది రెడీ అయిన త‌ర్వాత సినిమాను అధికారికంగా ప్ర‌క‌టించి ప్రీ ప్రొడ‌క్ష‌న్ ప‌నుల‌ను స్టార్ట్ చేస్తార‌ని స‌మాచారం.