நடிகர், இசையமைப்பாளர் ஜிவி பிரகாஷ் நடிப்பில் தேசிய விருது பெற்ற இயக்குனர் பாலா இயக்கி வரும் 'நாச்சியார்' படத்தின் டீசர் சமீபத்தில் வெளியாகி சர்ச்சைகளையும் பரபரப்பையும் ஏற்படுத்தியது என்பது தெரிந்தது. இந்த டீசரில் ஜிவி பிரகாஷின் கடுமையான உழைப்பும், பாலாவின் பாணியும் இருந்ததை அனைவரும் கவனித்திருப்பார்கள்.  இந்த படத்திற்கு இசைஞானி இளையராஜா இசையமைத்து வருகிறார்.                 

இந்த நிலையில் இந்த படத்தின் பாடல் ஒன்று இன்று ஒலிப்பதிவு செய்யப்பட்டது. இசைஞானி இசையில் ஜி.வி.பிரகாஷ் மற்றும் பிரியங்கா இந்த பாடலை பாடினர். இசைஞானி இசையில் ஜிவி பிரகாஷ் பாடுவது இதுவே முதல்முறை என்பது குறிப்பிடத்தகக்து.

இதுகுறித்து ஜிவிபிரகாஷ் தனது சமூகவலைத்தளத்தில் கூறியதாவது: என்னுடைய வாழ்க்கையில் இன்று ஒரு முக்கியமான நாள். மேஸ்ட்ரோ இளையராஜா இசையில் 'நாச்சியார்' படத்திற்காக இன்று நான் ஒரு அருமையான டூயட் பாடலை பாடினேன்.

"உங்கையும் எங்கையும் சேர்த்து
கைரேகை மாத்துது காத்து

என்ற வரிகளில் இந்த பாடல் தொடங்குகிறது என்று ஜிவி பிரகாஷ் குறிப்பிட்டுள்ளார்.