இன்று நள்ளிரவில் 'வேதாளம்' டீசர் - மதன்கார்க்கி தகவல்
- IndiaGlitz, [Wednesday,September 30 2015]
அஜீத் நடித்து வரும் 'வேதாளம்' படத்தின் படப்பிடிப்பு இறுதிக்கட்டத்தில் உள்ள நிலையில் இந்த படத்தின் டீசர் அக்டோபர் 1ஆம் தேதி வெளியாகும் என்ற செய்தியை ஏற்கனவே பார்த்தோம். இந்நிலையில் இந்த தகவலை பிரபல பாடலாசிரியர் மதன்கார்க்கி இன்று தனது சமூக வலைத்தளத்தில் உறுதி செய்துள்ளார்.
அஜீத் நடித்த 'வேதாளம்' படத்தின் டீசரை பார்த்து அசந்து போனதாகவும், சிறுத்தை சிவா மற்றும் அவரது குழுவினர்களால் 'வேதாளம்' டீசர் மிக அற்புதமாக உருவாக்கப்பட்டுள்ளதாகவும் அவர் தெரிவித்துள்ளார். இன்று நள்ளிரவு இந்த டீசர் வெளியாகவுள்ளதாகவும் அவர் தனது சமூக வலைத்தளத்தில் தெரிவித்துள்ளார்.
இந்த தகவல் வெளிவந்தது முதல் அஜீத் ரசிகர்கள் இன்று நள்ளிரவு வெளியாகவுள்ள டீசரை வரவேற்க தயாராகிவிட்டனர். இன்றைய டீசரில் அஜீத்தின் மூன்று கெட்டப்புகளும் தெரியவரும் என எதிர்பார்க்கப்படுகிறது.