Click here for Sri Divya Gallery

பாண்டியராஜ் இயக்கத்தில் விஷால் நடித்து வந்த 'கதகளி' திரைப்படம் வரும் பொங்கல் தினத்தில் வெளியாகும் என எதிர்பார்க்கப்படுகிறது. விஷால், காத்ரினா தெரசா, நாசர், சூரி மற்றும் பலர் நடித்த இப்படத்தை விஷால் பிலிம் பேக்டரி நிறுவனம் தயாரித்து வருகிறது,.

இந்நிலையில் விஷாலின் அடுத்த படமான 'மருது' படத்தின் படப்பிடிப்பு நாளை இராஜபாளையம் நகரில் தொடங்கவிருப்பதாக கூறப்படுகிறது. 'கொம்பன்' இயக்குனர் முத்தையா இயக்கும் இந்த படத்தின் கதை கிராமத்து பின்னணியை கொண்டது என்பது குறிப்பிடத்தக்கது. இராஜபாளையத்தில் இந்த படத்தின் படபிடிப்புக்கு தேவையான அனைத்து ஏற்பாடுகளும் தயார் நிலையில் இருப்பதாகவும் கூறப்படுகிறது.

விஷால், ஸ்ரீதிவ்யா, 'தாரை தப்பட்டை' வில்லன் ஆர்.கே.சுரேஷ் உள்பட பலர் நடிக்கவுள்ள இந்த படத்திற்கு டி.இமான் இசையமைக்கவுள்ளார். மேலும் நடிகர் சங்க தேர்தலில் விஷாலுடன் நேருக்கு நேர் மோதிய ராதாரவியும் இந்த படத்தில் ஒரு முக்கிய கேரக்டரில் நடிக்கவுள்ளார் என்பது குறிப்பிடத்தக்கது.