ஜெயம் ரவி நடித்த 'இறைவன்’ திரைப்படம் செப்டம்பர் 28ஆம் தேதி ரிலீஸ் ஆக இருக்கும் நிலையில் அவர் நடித்து முடித்துள்ள இன்னொரு திரைப்படமும் ரிலீசுக்கு தயாராக இருப்பதாகவும் விரைவில் ரிலீஸ் தேதி அறிவிக்க இருப்பதாகவும் கூறப்படுகிறது.

ஜெயம் ரவி, நயன்தாரா நடிப்பில் அகமது இயக்கத்தில் உருவான 'இறைவன்’ திரைப்படத்திற்கு நல்ல எதிர்பார்ப்பு ஏற்பட்டுள்ளது. இந்த நிலையில் ஜெயம் ரவி நடித்த இன்னொரு திரைப்படமான ’சைரன்’ திரைப்படமும் தற்போது ரிலீசுக்கு தயாராகியுள்ளது.

இந்த படத்தின் முக்கிய தகவல் வரும் 10ஆம் தேதி அதாவது நாளை அதிகாலை 12 மணிக்கு வெளியாகும் என்று படக்குழுவினர் அறிவித்து அது குறித்த வீடியோ ஒன்றையும் வெளியிட்டுள்ளனர். அனேகமாக நாளை இந்த படத்தின் ரிலீஸ் தேதி அல்லது வேறு முக்கிய குறித்த அறிவிப்பு வெளிவரும் என்று எதிர்பார்க்கப்படுகிறது.

ஜெயம் ரவி, கீர்த்தி சுரேஷ், அனுபமா பரமேஸ்வரன், யோகி பாபு உட்பட பலர் நடிப்பில் உருவான இந்த படத்திற்கு ஜிவி பிரகாஷ் இசையமைத்துள்ளார். அந்தோணி பாக்யராஜ் இயக்கத்தில் உருவான இந்த படத்திற்கு செல்வகுமார் ஒளிப்பதிவும் ரூபன் படத்தொகுப்பு பணியும் செய்துள்ளனர்.

அடுத்தடுத்து ஜெயம் ரவி திரைப்படங்கள் ரிலீஸ் ஆக இருப்பது அவரது ரசிகர்களுக்கு உற்சாகத்தை ஏற்படுத்தியுள்ளது.

In process of rendering an interesting PreFace of #Siren as your birthday treat @actor_jayamravi bro… #SirenPreface#HBDJayamRavi@antonybhagyaraj @KeerthyOfficial @anupamahere @theHMMofficial @sujataa_HMM @AntonyLRuben @dhilipaction @selvakumarskdop @shiyamjack @teamaimpr… pic.twitter.com/NT5Hn5P7u7

— G.V.Prakash Kumar (@gvprakash) September 8, 2023