கோலிவுட் திரையுலகில் கடந்த ஆண்டு அதிக படங்களில் நடித்த நடிகைகளில் ஒருவர் வரலட்சுமி. அவரது நடிப்பில் கடந்த ஆண்டு வெளியான 'Mr.சந்திரமெளலி, சண்டக்கோழி 2, 'சர்கார்', 'மாரி 2' ஆகிய படங்கள் வெளியாகி ரசிகர்களின் வரவேற்பை பெற்றன.

இந்த நிலையில் அவர் தற்போது நடித்து வரும் படங்களில் ஒன்றான 'நீயா 2' திரைப்படத்தின் முக்கிய அறிவிப்பு ஒன்று இன்று மாலை 6 மணிக்கு வெளியாகவுள்ளதாக படக்குழுவினர்களால் அறிவிக்கப்பட்டுள்ளது.

ஜெய், வரலட்சுமி, ராய்லட்சுமி, கேதரின் தெரசா உள்ளிட்ட பலர் நடித்து வரும் 'நீயா 2' படத்தை எல்.சுரேஷ் இயக்கி வருகிறார். ஷபீர் இசையில், ராஜவேல் மோகன் ஒளிப்பதிவில், கோபி கிருஷ்ணா படத்தொகுப்பில் உருவாகிவரும் இந்த படம் வரும் கோடை விடுமுறையில் வெளியாகும் என எதிர்பார்க்கப்படுகிறது.

மேலும் நடிகை வரலட்சுமி தற்போது, 'வெல்வெட் நகரம்', 'கன்னிராசி', 'கன்னித்தீவு', 'காட்டேரி', 'அம்மாயி போன்ற படங்களில் நடித்து வருகிறார் என்பது குறிப்பிடத்தக்கது.