தளபதி விஜய் நடித்து வரும் 'சர்கார்' படத்தின் இசை வெளியீட்டு விழா வரும் அக்டோபர் 2ஆம் தேதி வெளியாக வாய்ப்பு இருப்பதாக ஏற்கனவே பார்த்தோம். இந்த நிலையில் இந்த படம் குறித்த முக்கிய அறிவிப்பு ஒன்று இன்னும் ஒருசில நிமிடங்களில் வெளியாகவுள்ளதாக இந்த படத்தின் தயாரிப்பு நிறுவனமான சன்பிக்சர்ஸ் நிறுவனத்தின் அதிகாரபூர்வ சமூக வலைத்தள பக்கத்தில் பதிவு செய்யப்பட்டுள்ளது.

இந்த அறிவிப்பு அனேகமாக டீசர் ரிலீஸ் தேதி குறித்த அறிவிப்பு அல்லது இசை வெளியீட்டு விழா குறித்த அறிவிப்பு அல்லது இரண்டும் குறித்த அறிவிப்பாக இருக்கலாம் என்று கருதப்படுகிறது. இந்த தகவல் வெளியானதில் இருந்து விஜய் ரசிகர்கள் சர்கார்' அறிவிப்பை தெரிந்து கொள்ள மிகவும் ஆவலுடன் உள்ளனர்.

வினாயகர் சதூர்த்தி தினத்தில் டீசர், அக்டோபர் 2 காந்தி ஜெயந்தி விடுமுறை தினத்தில் இசை வெளியீடு மற்றும் தீபாவளி அன்று படவெளியீடு என திருவிழா மற்றும் விடுமுறை தினங்களை 'சர்கார்' குறிவைத்துள்ளதால் அன்றைய தினங்களில் சமூக வலைத்தளங்கள் அதிர்வது உறுதி என்றே எதிர்பார்க்கப்படுகிறது.