விஜயகாந்த் தான் உண்மையான சூப்பர் ஸ்டார்: பிரபல ஹீரோ பாராட்டு
- IndiaGlitz, [Tuesday,April 21 2020]
நேற்று சென்னையில் கொரோனாவால் பலியான மருத்துவர் ஒருவரின் உடலை அடக்கம் செய்ய எதிர்ப்பு தெரிவித்து சிலர் போராட்டம் நடத்தியதும் அதன் பின்னர் போலீசார் தலையிட்டு போராட்டம் நடத்திய 20 பேரை கைது செய்ததும் தெரிந்ததே. கொரோனா பாதித்த நோயாளிகளை குணப்படுத்திய மருத்துவர் ஒருவர் கொரோனாவுக்கு பலியான நிலையில் அவருடைய உடலை அடக்கம் செய்ய முடியாமல் எதிர்ப்பு தெரிவித்த மக்களுக்கு கடும் கண்டனம் தெரிவிக்கப்பட்டு வந்தது.
இந்த நிலையில் நடிகரும் தேமுதிக தலைவருமான கேப்டன் விஜயகாந்த் நேற்று விடுத்த ஒரு அறிக்கையில் கொரோனாவால் உயிரிழந்தவர்களின் உடல்களை அடக்கம் செய்ய பொதுமக்கள் எதிர்ப்பு தெரிவித்தால், ஆண்டாள் அழகர் பொறியியல் கல்லூரியின் ஒரு பகுதியை உடல் அடக்கம் செய்ய எடுத்துக் கொள்ளலாம் என்று அறிவித்து இருந்தார்.
விஜயகாந்த்தின் இந்த அறிவிப்புக்கு பாராட்டுக்கள் குவிந்து வந்தது என்பது தெரிந்ததே. இந்த நிலையில் பிரபல தெலுங்கு நடிகரும் அரசியல் கட்சி தலைவருமான பவன்கல்யாண் தனது சமூக வலைத்தளத்தில் விஜயகாந்துக்கு பாராட்டு தெரிவித்துள்ளார். தேமுதிக தலைவர் திரு விஜயகாந்த் அவர்களின் இந்த அறிவிப்பு மிகவும் ஆச்சரியம் அளிக்கிறது. சூப்பர் ஸ்டாரான அவரது மனிதாபிமானத்தையும் வெளிப்படுத்துகிறது. தன்னுடைய கல்லூரி நிலத்தை கொரோனாவால் உயிரிழந்தவர்களுக்கு அவர் கொடுக்க முன்வந்திருப்பது மிகப்பெரிய செயல் என்று கூறியுள்ளார்.
An amazing and Noble gesture by Thiru @Vijayakant ,DMDK Leader and Superstar for offering a part of his college land for ‘Corona victims’ , where they have been denied burial in their own community burial grounds. https://t.co/TmQIuIXltL
— Pawan Kalyan (@PawanKalyan) April 21, 2020