தனுஷுடன் எமிஜாக்சன் நடித்த 'தங்க மகன்' திரைப்படம் வரும் 18ஆம் தேதி ரிலீஸ் ஆகவுள்ளதாக ஏற்கனவே அதிகாரபூர்வமாக அறிவிக்கப்பட்டுள்ள நிலையில் எமிஜாக்சன் நடித்த மற்றொரு திரைப்படமும் அதே நாளில் ரிலீஸ் ஆகும் என கூறப்படுகிறது.

ஒருகல் ஒருகண்ணாடி, நண்பேண்டா, இது கதிர்வேலன் காதல் ஆகிய படங்களில் நடித்த உதயநிதி ஸ்டாலின் நடித்த அடுத்த படம் 'கெத்து'. இந்த படத்தில் உதயநிதிக்கு ஜோடியாக எமிஜாக்சன் நடித்து வந்தார்.

இந்த படத்தின் வசனக்காட்சிகளின் படப்பிடிப்பு ஏற்கனவே முடிந்துவிட்ட நிலையில் இன்னும் இரண்டு பாடல் காட்சிகளின் படப்பிடிப்பு மட்டுமே நடத்தப்படவுள்ளதாக கூறப்படுகிறது.

இந்நிலையில் இந்த படம் 'தங்க மகன்' ரிலீஸ் ஆகும் அதே டிசம்பர் 18ஆம் தேதி ரிலீஸ் ஆகும் என கூறப்படுகிறது. அரையாண்டு தேர்வு விடுமுறையில் நாளில் இந்த படங்கள் வெளியாகவுள்ளதால் இரு படங்களுக்கும் நல்ல ஓப்பனிங் கிடைக்கும் என எதிர்பார்க்கப்படுகிறது.