சூப்பர் ஸ்டார் ரஜினிகாந்த் நடித்து வரும் 'கபாலி' திரைப்படம் பா.ரஞ்சித் இயக்கத்தில் படப்பிடிப்பு நடந்து வரும் நிலையில் ரஜினியின் அடுத்த பிரமாண்டமான படமான 'எந்திரன் 2' படத்தின் ஆரம்பகட்ட பணிகள் விறுவிறுப்பாக நடைபெற்று வருவதாக கூறப்படுகிறது.

'எந்திரன் 2' படத்தில் ரஜினிகாந்த், அர்னால்ட், எமிஜாக்சன் ஆகியோர் நடிக்கவுள்ளது கிட்டத்தட்ட உறுதியாகியுள்ள நிலையில், இந்த படத்தில் இன்னொரு நாயகியும் நடிக்கவுள்ளதாகவும், அவருடைய தேர்வு நடைபெற்று வருவதாகவும் கூறப்படுகிறது. இன்னொரு நாயகி வேடத்தில் நடிக்க முன்னணி நடிகைகளிடம் ஷங்கர் பேச்சுவார்த்தை நடத்தி வருவதாகவும் கூறப்படுகிறது.

இந்தியாவின் மிகப்பெரிய பட்ஜெட் படமாக உருவாகவுள்ள இந்த படத்தை 'லைகா புரடொக்ஷன்ஸ்' நிறுவனம் தயாரிக்கவுள்ளது. ரஜினிகாந்த், அர்னால்ட், ஷங்கர், ஏ.ஆர்.ரஹ்மான் ஆகிய உலகப்புகழ் பெற்ற கலைஞர்கள் இந்த படத்தில் ஒன்றிணைவதால் இந்த படத்தை ஹாலிவுட் படம் என்றே சொல்லலாம். இந்த படத்தின் படப்பிடிப்பு வரும் டிசம்பரில் தொடங்க வாய்ப்பு இருப்பதாக கூறப்படுகிறது.