'2.0' లో నేను ఆ పాత్ర చేయడం లేదన్నఎమీ జాక్సన్
- IndiaGlitz, [Saturday,February 27 2016]
మదరాసు పట్టణంతో సినీ రంగంలోకి ఎంట్రీ ఇచ్చిన ఎమీ జాక్సన్ తెలుగులో రాంచరణ్ ఎవడులో చిన్న పాత్ర చేసింది. తర్వాత శంకర్ ఐ చిత్రంలో నటించింది. తన పాత్రకు మంచి మార్కులను సంపాదించుకుంది. ఇఫ్పుడు మరోసారి శంకర్ దర్శకత్వంలో రజనీకాంత్, అక్షయ్ కుమార్ లు నటిస్తున్న 2.0 సీక్వెల్ ఆఫ్ రోబో చిత్రంలో నటిస్తుంది.
అయితే ఈచిత్రంలో ఎమీజాక్సన్ లేడీ రోబోగా నటిస్తుందని వార్తలు వచ్చిన సంగతి తెలసిందే. అయితే ఈ విషయంపై ఎమీజాక్సన్ ఓ ఇంటర్వ్యూలో స్పందించింది. అందరూ అనుకుంటున్నట్టు లేడీ రోబో పాత్ర చేయడం లేదు. నా పాత్ర గురించి నేను మాట్లాడను, కానీ రజనీకాంత్, అక్షయ్ కుమార్ వంటి స్టార్స్ తో కలిసి నటించడం చాలా థ్రిల్లింగ్ గా ఉందంటూ తన పాత్రపై వినిపించిన వార్తలకు ఎమీ చెక్ పెట్టింది.