ఆర్జీవీ ‘మర్డర్’ సినిమాపై అమృత స్పందించలేదు: బాలస్వామి
- IndiaGlitz, [Monday,June 22 2020]
ఆదివారం ఫాదర్స్ డే సందర్భంగా వర్మ తను తీయబోయే కొత్త చిత్రానికి సంబంధించిన టైటిల్, ఫస్ట్‌లుక్‌ను విడుదల చేశారు. ప్రణయ్ హత్య నేపథ్యంలో ‘మర్డర్’ చిత్రాన్ని నిర్మిస్తున్నట్టు వర్మ వెల్లడించారు. దీనిపై తీవ్ర స్థాయిలో ఆగ్రహం వ్యక్తం చేస్తూ ప్రణయ్ భార్య అమృత ఓ ప్రకటనను విడుదల చేశారు.
ఇది కాస్తా పత్రికల్లో, సామాజిక మాధ్యమాల్లో విరివిగా కథనాలు వచ్చాయి. దీనిపై అమృత మామయ్య, ప్రణయ్ తండ్రి బాలస్వామి స్పందించారు. అమృత పేరుతో వెలువడిన ప్రకటనకు, ఆమెకూ ఎలాంటి సంబంధమూ లేదన్నారు. అసలు ‘మర్డర్’ సినిమా విషయమై అమృత ఇంతవరకూ స్పందించనే లేదన్నారు. ఆమె పేరుతో వచ్చిన ప్రకటనను నమ్మవద్దని బాలస్వామి తెలిపారు.