சென்னையில் பிரபல தமிழ் சினிமா தயாரிப்பாளர் அலுவலகத்தின் பூட்டை உடைத்து உள்ளே சென்ற மர்ம கும்பல் ஒன்று பணம் மற்றும் விலையுயர்ந்த பொருட்களை திருடிச்சென்றுள்ளதால் பெரும் பரபரப்பு ஏற்பட்டுள்ளது.

தமிழ் சினிமாவின் முன்னணி சினிமா தயாரிப்பாளர்களில் ஒருவர் சிவா. அம்மா கிரியேஷன்ஸ் என்ற பெயரில் உள்ள இவரது அலுவலகம் சென்னை வளசரவாக்கத்தில் உள்ளது. இந்த நிலையில் இன்று காலை வழக்கம் போல் பணிக்கு சென்ற ஊழியர்கள், அலுவலகத்தின் பூட்டு உடைக்கப்பட்டு இருப்பதை கண்டு அதிர்ச்சி அடைந்தனர். உடனே உள்ளே சென்று பார்த்த போது ஒரு லட்சத்திற்கும் அதிகமான ரொக்கம் மற்றும் விலையுயர்ந்த கேமரா மற்றும் 250 கிராம் எடை கொண்ட வெள்ளி சாமி சிலை ஆகியவவை கொள்ளையடிக்கப்பட்டது தெரிய வந்தது.

இதுகுறித்து தயாரிப்பாளர் சிவா தரப்பினர் அளித்த புகாரின் பேரில் சம்பவ இடத்திற்கு சென்ற போலீசார், அங்கிருந்த சிசிடிவி பதிவுகளை ஆய்வு செய்து, திருடி சென்ற மர்ம கும்பலை பிடிக்க தீவிர நடவடிக்கை எடுத்து வருகின்றனர்.