'எந்திரன் 2' படத்தில் இணையும் பாலிவுட் சூப்பர் ஸ்டார்?
- IndiaGlitz, [Thursday,November 05 2015]
ரஜினிகாந்த், ஐஸ்வர்யா ராய் நடிப்பில் ஷங்கர் இயக்கிய 'எந்திரன்' படத்தின் பிரமாண்ட வெற்றியை அடுத்து தற்போது ஷங்கர் 'எந்திரன் 2' படத்திற்கான ஆரம்பகட்ட பணிகளை செய்து வருகிறார். இந்த படம் குறித்த அதிகாரபூர்வ அறிவிப்பு வரும் டிசம்பரில் ரஜினியின் பிறந்த நாள் அன்று வெளியாகும் என எதிர்பார்க்கப்படுகிறது.
இந்த படத்தின் திரைக்கதையை ஹாலிவுட் திரைக்கதையாசிரிகளுடன் கலந்து ஆலோசித்து மாற்றம் செய்ய அர்னால்ட், இயக்குன்ர் ஷங்கருக்கு நிபந்தனை விதித்ததாக வந்த செய்தியினை நேற்று பார்த்தோம். இந்நிலையில் இந்த படத்தில் நடிக்க பாலிவுட் சூப்பர் ஸ்டார் அமிதாப்பச்சன் ஒப்புக்கொண்டுள்ளதாக செய்திகள் வெளிவந்துள்ளது. நெருங்கிய நண்பரான ரஜினியின் படத்தில் நடிக்க அமிதாப் உடனே சம்மதம் தெரிவித்து விட்டதாக கூறப்படுகிறது. ஏற்கனவே ரஜினியும் அமிதாப்பும் 'அந்தா கானுன்', 'ஹம்' போன்ற படங்களில் நடித்துள்ளனர் என்பது குறிப்பிடத்தக்கது.
அர்னால்ட் அவர்களின் நிபந்தனையை ஏற்காமல் அவருக்கு பதிலாக அமிதாப் ஒப்பந்தமானாரா? அல்லது அமிதாப்புக்கு புதிய கேரக்டரா? என்பது குறித்து உறுதியான தகவல் இல்லை. இருப்பினும் இன்னும் சில நாட்களில் இந்த படத்தின் அதிகாரபூர்வ அறிவிப்பு வெளிவரும்போது அனைத்து சந்தேகங்களுக்கும் விடை கிடைத்துவிடும் என கூறப்படுகிறது.