స్వాతంత్ర్య స‌మ‌రయోధుడు ఉయ్యాల‌వాడ న‌ర‌సింహారెడ్డి జీవిత చ‌రిత్ర ఆధారంగా రూపొందుతున్న చిత్రం `సైరా న‌ర‌సింహారెడ్డి`. మెగాస్టార్ చిరంజీవి 151వ చిత్రంగా రానున్న ఈ సినిమాకు సురేంద‌ర్ రెడ్డి ద‌ర్శ‌కుడు. రామ్‌చ‌ర‌ణ్ నిర్మాత‌. ఈ సినిమాలో బాలీవుడ్ బాద్‌షా అమితాబ్ బ‌చ్చ‌న్ ఓ కీల‌క పాత్ర‌లో న‌టిస్తున్న‌సంగ‌తి తెలిసిందే.

అస‌లు ఈ చిత్రంలో అమితాబ్ ఏ రోల్ చేస్తాడోన‌ని అంద‌రూ అనుకుంటున్నారు. అయితే చ‌రిత్ర ప్ర‌కారం ఉయ్యాల‌వాడ న‌ర‌సింహారెడ్డిని బ్రిటీష్ ప్ర‌భుత్వానికి ఎదురు తిర‌గ‌మ‌ని ఉద్భోదించిన మార్గ‌ద‌ర్శ‌కుడు గోసాయి వెంక‌న్న‌. ఈయ‌న మార్గ‌ద‌ర్శ‌క‌త్వంలో న‌ర‌సింహారెడ్డి యుద్ధాలు చేశాడట‌. ఇలాంటి కీల‌క‌మైన పాత్ర‌లోనే అమితాబ్ న‌టించే అవ‌కాశం ఉంద‌ని సినీ వ‌ర్గాలు భావిస్తున్నాయి.

ఈ చిత్రంలో న‌య‌న‌తార హీరోయిన్‌గా న‌టిస్తుంటే, ఎ.ఆర్‌.రెహ‌మాన్ సంగీతం అందిస్తున్నారు.