మెగాస్టార్ చిరంజీవి న‌టిస్తున్న 151వ చిత్రం ‘సైరా నరసింహారెడ్డి’. స్వాతంత్య్ర‌ స‌మ‌ర‌యోధుడు ఉయ్యాల వాడ న‌ర‌సింహారెడ్డి జీవిత చ‌రిత్ర ఆధారంగా తెర‌కెక్కుతున్న ఈ చిత్రాన్ని మెగాప‌వ‌ర్ స్టార్ రామ్ చ‌ర‌ణ్ నిర్మిస్తున్నారు. సురేంద‌ర్ రెడ్డి ద‌ర్శ‌క‌త్వం వ‌హిస్తున్న ఈ చిత్రంలో అమితాబ్ బచ్చ‌న్‌, న‌య‌న‌తార‌, జ‌గ‌ప‌తిబాబు, సుదీప్‌, విజ‌య్ సేతుప‌తి ఇత‌ర కీల‌క పాత్ర‌ల్లో న‌టిస్తున్నారు.  పరుచూరి బ్రదర్స్, సాయి మాధవ్ బుర్రా సంభాష‌ణ‌లు అందిస్తున్న ఈ చిత్రానికి రత్నవేలు ఛాయాగ్రాహ‌ణం అందిస్తున్నారు. భారీ బ‌డ్జెట్‌తో తెర‌కెక్కుతున్న ఈ సినిమా 2019లో ప్రేక్ష‌కుల ముందుకు రానుంది.

ఈ కొత్త షెడ్యూల్‌లో అమితాబ్ పాత్ర చిత్రీక‌ర‌ణ జ‌రుగుతుంది. నాకు ప్రియ‌మైన మిత్రుడు, తెలుగు చిత్ర సీమ‌లో ప్ర‌ముఖ హీరో అయిన చిరంజీవి అడగడంతో సైరాలో స్పెష‌ల్ రోల్ చేయ‌డానికి ఒప్పుకున్నాను. హైద‌రాబాద్‌లో నా లుక్‌కు సంబంధించిన షూట్ జ‌ర‌గనుంది. నా లుక్ దాదాపు ఇలాగే ఉండొచ్చు అంటూ అమితాబ్ ఓ పోటోను సోష‌ల్ మీడియాలో పెట్టారు. ఇప్పుడ‌ది వైర‌ల్ అవుతుంది.