‘కాంచన’ రీవేుక్‌లో అమితాబ్.. హిజ్రా పాత్ర‌లో
- IndiaGlitz, [Sunday,April 28 2019]
తమిళ, తెలుగు భాషల్లో ఘనవిజయం సాధించిన ‘కాంచన’ చిత్రం హిందీలో రీమేక్ అవుతున్న విషయం తెలిసిందే. ఈ సినిమా ద్వారా లారెన్స్ బాలీవుడ్‌కు దర్శకుడుగా పరిచయువువుతున్నారు. ఈ చిత్రానికి ‘లక్ష్మీబాంబ్’ అనే టైటిల్‌ని కూడా నిర్ణయించారని తెలుస్తోంది.
ఈ సినిమాలో అక్షయ్‌ుకుమార్ హీరోగా, కియారా అద్వానీ హీరోయిన్‌గా నటించనున్నారు. ‘కాంచన’ చిత్రంలో హిజ్రాగా నటించిన శరత్‌కుమార్ పాత్ర సినిమాకి ఎంతో కీలకైవెునది. హిందీలో ఆ పాత్రను అమితాబ్ బచ్చన్ పోషిస్తారని వార్తలు వస్తున్నాయి.
ఈ పాత్ర పోషించేందుకు అమితాబ్ సుముఖంగా ఉన్నట్టు సమాచారం. అయితే దీనికి సంబంధించిన అధికారిక ప్రకటన వెలువడాల్సి ఉంది. అలాగే మాధవన్, శోభితా ధూళిపాళ్ళ కూడా కీలక పాత్రలు పోషించనున్నారు. త్వరలోనే ప్రారంభం కానున్న ఈ సినిమాను 2020లో ప్రేక్షకుల ముందుకు తీసుకొస్తారని తెలుస్తోంది.