2.0 படத்தில் திடீரென இணைந்த அமிதாப்-அபிஷேக். புதிய தகவல்
- IndiaGlitz, [Friday,March 18 2016]
சூப்பர் ஸ்டார் ரஜினிகாந்த் நடித்து வரும் '2.0' படத்தின் மூன்றாவது கட்ட படப்பிடிப்பு டெல்லியில் நேற்று தொடங்கியது என்பதை ஏற்கனவே அறிவித்தோம். இந்நிலையில் இந்த படப்பிடிப்பு குறித்த புதிய தகவல்கள் தற்போது வெளிவந்துள்ளது.
டெல்லி ஜவஹர்கால் நேரு மைதானத்தில் நேற்று நடைபெற்ற படப்பிடிப்பில் கால்பந்து விளையாட்டு போட்டி நடைபெறுவது போன்ற காட்சிகள் படமாக்கப்பட்டதாகவும், இந்தியன் கால்பந்து லீக் போட்டிகளில் சென்னை மற்றும் மும்பை அணிகள் மோதுவது போன்ற காட்சிகளும் படமாக்கப்பட்டதாகவும், ரஜினிகாந்த் மற்றும் அக்ஷயகுமார் ஆகிய இருவரும் இந்த இரு அணிகளின் கேப்டன்களாக நடித்து வருவதாகவும் கூறப்படுகிறது.
மேலும் இந்த படப்பிடிப்பில் பாலிவுட் சூப்பர் ஸ்டார் அமிதாப்பச்சன் மற்றும் அபிஷேக் பச்சன் ஆகியோர்கள் சிறப்பு தோற்றத்தில் நடித்ததாகவும், கால்பந்து அணியின் உரிமையாளர்களாக இவர்கள் இருவரும் நடித்திருக்க கூடும் என்றும் தெரிகிறது.
ஏற்கனவே இந்த படத்தின் வில்லன் வேடத்திற்கு அமிதாப்பச்சனை நடிக்க வைக்க முயற்சிகள் மேற்கொள்ளப்பட்டது அனைவரும் அறிந்ததே. இந்நிலையில் அமிதாப்பச்சன் சிறப்பு வேடத்தில் இந்த படத்தில் நடித்துள்ளார் என்பது குறிப்பிடத்தக்கது...