பாலிவுட் சூப்பர் ஸ்டார் அமிதாப்பச்சன் முதல்முறையாக தமிழில் 'உயர்ந்த மனிதன்' என்ற படத்தில் நடிக்கவுள்ளார் என்பதும் இந்த படத்தின் ஃபர்ஸ்ட்லுக் போஸ்டரை சூப்பர் ஸ்டார் ரஜினிகாந்த் அவர்கள் வெளியிட்டார் என்பதும் தெரிந்ததே

அமிதாப்புடன் முக்கிய வேடத்தில் எஸ்.ஜே.சூர்யா நடிக்கவுள்ள இந்த படம் இந்தி, தமிழ் ஆகிய இரண்டு மொழிகளிலும் வெளியாகவுள்ளது. இந்த படத்தை எஸ்.ஜே.சூர்யா, நயன்தாரா நடித்த 'கள்வனின் காதலி' படத்தை இயக்கிய தமிழ்வாணன் இயக்கவுள்ளார்.

இந்த படத்தின் அடுத்த லெவல் குறித்தும், புதிய திட்டங்கள் குறித்து அமிதாப் அவர்களுடன் ஆலோசிக்கப்பட்டதாகவும், விரைவில் இந்த படம் குறித்த ஆச்சரியமான தகவல் வெளிவரும் என்றும், இந்த படத்தின் ஒவ்வொரு அப்டேட்டும் சூப்பர் ஸ்டார் ரஜினி அவர்களிடமும் பகிரப்படுவதாகவும் எஸ்.ஜே.சூர்யா தனது சமூக வலைத்தளத்தில் தெரிவித்துள்ளார்.