சமீபத்தில் நெல்லை அருகே ஒரு வயதான தம்பதியர்களை இரண்டு திருடர்கள் கையில் ஆயுதங்களுடன் தாக்க முற்படுகையில் வயதான முதியவரும் அவருடைய மனைவியும் சேர்ந்து அந்த திருடர்களை கையில் கிடைத்ததை எல்லாம் வீசி எறிந்து விரட்டி அடித்தனர். செருப்பு, நாற்காலி உட்பட பல பொருள்களை அந்தத் திருடர்கள் மீது ஒன்றன் பின் ஒன்றாக வயதான தம்பதிகள் வீசியதால் நிலைகுலைந்த திருடர்கள் ஒரு கட்டத்தில் அந்த பெண்மணி கழுத்தில் உள்ள செயினை பறித்துக் கொண்டு தப்பி ஓடி விட்டனர்

இந்த முதிய தம்பதிகளின் வீரமான செயல் சிசிடிவி காட்சி மூலம் சமூக வலைதளங்களில் வைரல் ஆனது. அந்த தம்பதிகளுக்கு சமூக வலைதள பயனாளிகள் பாராட்டு தெரிவித்து வந்த நிலையில் இதுகுறித்து பிரபல ஊடகம் ஒன்று வீடியோவை வெளியிட்டிருந்தது

இந்த நிலையில் இந்த வீடியோவை பார்த்த பாலிவுட் சூப்பர் ஸ்டார் அமிதாப் பச்சன் இது குறித்து தனது டுவிட்டர் பக்கத்தில் கருத்து தெரிவித்துள்ளார். அந்தத் தம்பதிகளின் வீரத்திற்கு தனது வாழ்த்துக்கள் என்று அவர் கூறியுள்ளார். அமிதாப்பின் இந்த டுவீட் தற்போது வைரலாகி வருகிறது

braaaaavoooooooo !!!!! https://t.co/Ykpium2F88

— Amitabh Bachchan (@SrBachchan) August 13, 2019