నాగ్ పాత్ర‌లో అమితాబ్..
- IndiaGlitz, [Friday,April 15 2016]
టాలీవుడ్ కింగ్ నాగార్జున - కోలీవుడ్ హీరో కార్తీ క‌ల‌సి న‌టించిన చిత్రం ఊపిరి. వంశీ పైడిప‌ల్లి తెర‌కెక్కించిన ఊపిరి చిత్రం విజ‌య‌వంతంగా ప్ర‌ద‌ర్శింప‌బ‌డుతోంది. వీల్ ఛైర్ కూర్చికి ప‌రిమిత‌మైన పాత్ర‌లో అద్భుతంగా న‌టించాడంటూ నాగార్జున పై సినీ విమ‌ర్శ‌కులు, సినీ ప్ర‌ముఖులు ప్ర‌శంస‌ల వ‌ర్షం కురిపిస్తున్నారు.
ఇదిలా ఉంటే..ఊపిరి బాలీవుడ్ రీమేక్ రైట్స్ ను క‌ర‌ణ్ జోహార్ భారీ మొత్తం చెల్లించి ద‌క్కించుకున్నారు.త్వ‌ర‌లో ఈ చిత్రాన్ని రీమేక్ చేయ‌డానికి ప్లాన్ చేస్తున్నారు. అయితే నాగార్జున పోషించిన పాత్ర‌ను బాలీవుడ్ లో అమితాబ్ తో చేయించాలి అనుకుంటున్నార‌ట క‌ర‌ణ్ జోహార్. ప్ర‌స్తుతం అమితాబ్ తో క‌ర‌ణ్ చ‌ర్చ‌లు జ‌రుపుతున్నార‌ట. కార్తీ పోషించిన పాత్ర‌కు వ‌రుణ్ ధావ‌న్ ను ఎంపిక చేసిన‌ట్టు స‌మాచారం. టాలీవుడ్ - కోలీవుడ్ లో స‌క్సెస్ సాధించిన ఊపిరి బాలీవుడ్ లో ఎలాంటి విజ‌యాన్ని సాధిస్తుందో చూడాలి.