டிராப் ஆனதாக கூறப்பட்ட அமிதாப் படம் மீண்டும் தொடக்கம்: எஸ்.ஜே.சூர்யா தகவல்
- IndiaGlitz, [Monday,February 07 2022]
கடந்த சில ஆண்டுகளுக்கு முன்னர் அமிதாப்பச்சன் நடிக்கும் தமிழ் திரைப்படத்தின் அறிவிப்பு வெளியானது என்பதும் இந்த படத்தின் பர்ஸ்ட் லுக் போஸ்டரை சூப்பர் ஸ்டார் ரஜினிகாந்த் அவர்கள் வெளியிட்டார் என்பது குறிப்பிடத்தக்கது.
’உயர்ந்த மனிதன்’ என்ற டைட்டில் வைக்கப்பட்டுள்ள இந்த படத்தில் அமிதாப்பச்சன், எஸ்.ஜே. உள்பட பலர் நடித்து வந்தனர் என்பதும் இந்த படத்தை தமிழ்வாணன் என்பவர் இயக்க இருப்பதாக அறிவிக்கப்பட்டது என்பது தெரிந்ததே.
இந்த படத்தின் முதல்கட்ட படப்பிடிப்பு நடந்து முடிந்த நிலையில் திடீரென இந்த படம் நிறுத்தப்பட்டது. தயாரிப்பு தரப்புக்கும் அமிதாப்பச்சனுக்கும் ஏற்பட்ட பிரச்சனை காரணமாக இந்த படம் நிறுத்தப்பட்டதாக கூறப்பட்டது.
இந்த நிலையில் தற்போது பழைய தயாரிப்பாளர் இந்த படத்தில் இருந்து விலகிக்கொண்டதாகவும், புதிய தயாரிப்பாளருடன் இந்த படம் மீண்டும் தொடங்க உள்ளதாகவும்அறிவிக்கப்பட்டுள்ளது. இதுகுறித்த முறையான அறிவிப்பை ஊடகங்கள் மூலம் எஸ் ஜே சூர்யா வெளியிட்டுள்ள நிலையில் விரைவில் அமிதாபச்சன் இந்த படத்தின் படப்பிடிப்பில் கலந்து கொள்வார் என்று கூறப்படுகிறது.
அமிதாப்பச்சன் தந்தையாகவும் எஸ்ஜே சூர்யா மகனாகவும் நடிக்கவுள்ள இந்த படம் தமிழில் ’உயர்ந்த மனிதன்’ என்ற பெயரிலும், ஹிந்தியில் ‘தி கிரேட் மேன்’ என்ற பெயரிலும் உருவாகி வருகிறது என்பது குறிப்பிடத்தக்கது.