'பொன்னியின் செல்வன்' படத்தில் அமிதாப்பச்சன்- ஐஸ்வர்யாராய்?
- IndiaGlitz, [Friday,January 04 2019]
'பொன்னியின் செல்வன்' என்ற கல்கி எழுதிய காலத்தால் அழியாத காவிய நாவலை திரைப்படமாக்கும் முயற்சியில் எம்.ஜி.ஆர். , சிவாஜி கணேசன், கமல்ஹாசன் உள்பட பலர் முயற்சி செய்தனர். ஆனால் இதுவரை அது நிறைவேறவில்லை
இந்த நிலையில் 'செக்க சிவந்த வானம்' வெற்றிப்படத்தை அடுத்து 'பொன்னியின் செல்வன்' நாவலை திரைப்படமாக்க இயக்குனர் மணிரத்னம் முயற்சித்து வருவதாக கூறப்படுகிறது. இந்த படத்தில் விக்ரம், சிம்பு, ஜெயம் ரவி, உள்பட மல்டி ஸ்டார்கள் நடிக்கவிருப்பதாகவும் இந்த படத்தின் பணிகள் விரைவில் தொடங்கும் என்றும் கூறப்படுகிறது.
இந்த நிலையில் இந்த படத்தின் முக்கிய இரண்டு கேரக்டர்களில் அமிதப்பச்சன், ஐஸ்வர்யாராயை நடிக்க வைக்க மணிரத்னம் திட்டமிட்டுள்ளதாகவும் இதுகுறித்த முதல்கட்ட பேச்சுவார்த்தை முடிந்துவிட்டதாகவும் கூறப்படுகிறது. மணிரத்னம் இயக்கத்தில் ஏற்கனவே இருவர், 'குரு' மற்றும் 'ராவணன்' படங்களில் ஐஸ்வர்யாராய் நடித்துள்ளார் என்பது குறிப்பிடத்தக்கது.