மறைந்த திமுக தலைவர் கருணாநிதியின் நினைவேந்தல் நிகழ்ச்சி ஒன்று சென்னையில் வரும் 30ஆம் தேதி நடைபெறவுள்ளது. இந்த நிகழ்ச்சிக்கு பாஜக தேசிய தலைவர் அமித்ஷா உள்பட பல்வேறு தேசிய தலைவர்கள் கலந்து கொள்ளவிருப்பதாக அறிவிக்கப்பட்டது.

திமுக வெளியிட்ட இந்த நிகழ்ச்சியின் அழைப்பிதழிலும் அமித்ஷா பெயர் இருந்ததால் அவரது சென்னை வருகை உறுதி செய்யப்பட்டதாக கூறப்பட்டது. அமித்ஷாவின் இந்த வருகை திமுக-பாஜக கூட்டணிக்கு அச்சாரமாக இருக்கும் என்றும் பேசப்பட்டது.

இருப்பினும் தமிழக பாஜக தலைவர் தமிழிசை செளந்திரராஜன் உள்பட தமிழக பாஜக தலைவர்கள் அமித்ஷாவின் வருகையை உறுதி செய்யவில்லை. பாஜகவின் மூத்த தலைவர் சுப்பிரமணியன் சுவாமி, 'அமித்ஷா, கருணாநிதி நிகழ்ச்சியில் கலந்து கொள்ள மாட்டார்' என்று தனது டுவிட்டரில் அறிவித்திருந்தார்

இந்த நிலையில் கருணாநிதி நினைவேந்தல் நிகழ்ச்சியில் அமித்ஷா கலந்து கொள்ள மாட்டார் என்றும், அவருக்கு பதிலாக மத்திய அமைச்சர் நிதின்கட்காரி கலந்து கொள்வார் என்றும் செய்திகள் வெளியாகியுள்ளது.