தமிழ் திரையுலகின் பிரபல இயக்குநர் அமீர் நாயகனாக நடிக்கும் ’உயிர் தமிழுக்கு’ என்ற திரைப்படத்தின் ரிலீஸ் தேதி அதிகாரப்பூர்வமாக அறிவிக்கப்பட்டுள்ளது

ஆதம் பாவா இயக்கத்தில் உருவாகி வரும் ’உயிர் தமிழுக்கு’ என்ற திரைப்படத்தில் அமீர், சாந்தினி, ஸ்ரீதரன், ஆனந்தராஜ், இமான் அண்ணாச்சி மாரிமுத்து, ராஜ்கபூர், சுப்பிரமணிய சிவா, மகாநதி சங்கர், ராஜசிம்மன், சரவண சக்தி உள்ளிட்ட பலர் நடித்துள்ளனர்.

தேவராஜ் ஒளிப்பதிவில், அசோக் சார்லஸ் படத்தொகுப்பில் உருவாகியுள்ள இந்த படத்திற்கு வித்தியாசாகர் இசையமைத்துள்ளார். இந்த படத்தில் இடம்பெற்ற அரசியல் பின்னணி உள்ள வசனங்களை பாலமுரளி வர்மன் எழுதி உள்ள நிலையில் பா விஜய் இந்த படத்தின் பாடல்களை எழுதியுள்ளார். இந்த படத்தை சுரேஷ் காமாட்சி தயாரித்துள்ள நிலையில் இந்த படத்தின் படப்பிடிப்பு சமீபத்தில் முடிவடைந்து தொழில்நுட்ப பணிகள் நடந்து வந்தது.

இந்த நிலையில் ’உயிர் தமிழுக்கு’ திரைப்படம் செப்டம்பர் 28ஆம் தேதி வெளியாகும் என தயாரிப்பாளர் சுரேஷ் காமாட்சி தனது சமூக வலைத்தளத்தில் சற்று முன் அறிவித்துள்ளார். இதையடுத்து விரைவில் இந்த படத்தின் புரோமோஷன் பணிகள் தொடங்கும் என்று எதிர்பார்க்கப்படுகிறது.