వైసీపీకి ఊహించని షాక్ తగిలింది. ఇటీవల పార్టీలో చేరిన టీమిండియా మాజీ క్రికెటర్ అంబటి రాయుడు ఆ పార్టీని వీడుతున్నట్లు ప్రకటించారు. 'వైసీపీ నుంచి బయటకు రావాలని నిర్ణయించుకున్నా. కొంతకాలం రాజకీయాలకు దూరంగా ఉండాలని భావిస్తున్నా. త్వరలోనే తదుపరి కార్యాచరణ ప్రకటిస్తా' అంటూ ట్వీట్ చేశారు.

కాగా డిసెంబర్ 28వ తేదీన సీఎం జగన్ సమక్షంలో ఆయన పార్టీలో చేరారు. పట్టుమని పది రోజులు కూడా కాకుండానే పార్టీని వీడుతున్నట్లు ప్రకటించడం సంచలనంగా మారింది.

రాయుడు పార్టీలో చేరడంతో ఆయనను గుంటూరు లేదా వైజాగ్ ఎంపీగా పోటీ చేయించాలని అధిష్టానం భావించింది. ఇందుకోసం ప్రత్యేక కార్యాచరణ కూడా సిద్ధం చేసింది. అయితే ఈలోపే రాయుడు పార్టీని వీడుతున్నట్లు ప్రకటించడం వైసీపీలో తీవ్ర కలకలం రేపుతోంది.