'மாஸ்டர்' விரைவாக வெளியிட அமேசான் கொடுத்த கோடிகள் எவ்வளவு?
- IndiaGlitz, [Friday,January 29 2021]
தளபதி விஜய் நடித்த ’மாஸ்டர்’ திரைப்படம் கடந்த 13ஆம் தேதி பொங்கல் விருந்தாக உலகம் முழுவதும் வெளியானது. இந்த திரைப்படம் ஒரே வாரத்தில் ரூபாய் 100 கோடியும் இரண்டாவது வாரத்தில் ரூபாய் 200 கோடியும் உலகம் முழுவதும் வசூல் செய்ததாக தகவல்கள் வெளிவந்துள்ளன
இந்த நிலையில் இந்த திரைப்படம் அனைத்து திரையரங்குகளிலும் நல்ல வசூலை கொடுத்துக் கொண்டிருந்த நிலையில் திடீரென இன்று அதிகாலை முதல் ஓடிடியில் வெளியானது. அமேசான் பிரைமில் இந்த திரைப்படம் வெளியானதை அடுத்து பலர் இந்த திரைப்படத்தை வீட்டிலிருந்தே கண்டு ரசித்து வருகின்றனர்
இந்த நிலையில் அமேசான் பிரைமில் ’மாஸ்டர்’ திரைப்படம் திரையரங்குகளில் வெளியாகி இரண்டு மாதங்களுக்கு பின்னரே வெளியாகும் என்று அறிவிக்கப்பட்டிருந்த நிலையில் அமேசான் நிறுவனம் கூடுதலாக 15.5 கோடி கொடுத்ததால் தற்போது வெளிவந்து உள்ளதாக தகவல்கள் வெளிவந்துள்ளது
இதனை அடுத்து ’மாஸ்டர்’ திரைப்படத்திற்காக அமேசான் நிறுவனம் தயாரிப்பாளருக்கு மொத்தம் 36 கோடி கொடுத்துள்ளதாகவும் இதில் 15.5 கோடி தற்போது கொடுக்கப்பட்ட கூடுதலான தொகை என்றும் கூறப்படுகிறது
’மாஸ்டர்’ இன்று ஓடிடியில் ரிலீஸ் ஆனதால் தயாரிப்பாளருக்கு கூடுதலாக 36 கோடி கிடைத்துள்ளது என்ற தகவல் கோலிவுட்டில் பெரும் பரபரப்பை ஏற்படுத்தி உள்ளது