హత్య కేసులో కీలక ఆధారం కానున్న ‘అమెజాన్ అలెక్సా’
- IndiaGlitz, [Tuesday,November 05 2019]
ఓ హత్య కేసులో సౌండ్ రికార్డర్ అమెజాన్ అలెక్సా కీలక ఆధారంగా మారనుంది. అమెరికాలో ఫ్లోరిడాలో దంపతుల మధ్య తీవ్ర వాగ్వాదం చోటు చేసుకుంది. ఈ గొడవలో భార్య తీవ్ర గాయాలతో చనిపోయింది. ఈ కేసులో అనుమానితుడిగా భర్త ఉన్నా... హత్య చేసింది తాను కాదని తీవ్రంగా వాదిస్తున్నాడు. ఈ నేపథ్యంలో పోలీసులకు ఈ కేసు సవాల్‌గా మారింది. దీంతో పోలీసులు అక్కడున్న ఎలక్ట్రానిక్స్ గూడ్స్ పై దృష్టి పెట్టారు. అసలక్కడ ఏం జరిగింది.. వారి మధ్య సంభాషణ ఏంటి అనేదానిపై దర్యాప్తు చేస్తున్నారు. దీనికోసం ఆ గదిలో ఉన్న అమెజాన్ అలెక్సాపై దృష్టి సారించారు. దాన్ని ఫోరెన్సిక్ ల్యాబ్‌కు పంపిన పోలీసులు.. నివేదిక కోసం ఎదురు చూస్తున్నారు.