ஃபாரன்சிக் சர்ஜன் என்று கூறப்படும் தடய அறுவை சிகிச்சை நிபுணர் கேரக்டரில் இதுவரை இந்திய சினிமாவில் யாரும் நடித்ததில்லை என்ற நிலையில் முதல்முறையாக நடிகை அமலாபால் இந்த வேடத்தை ஏற்று நடித்துள்ளார். ஃபாரன்சிக் சர்ஜன் குறித்த முதல் இந்திய திரைப்படமும் இதுதான் என்பது குறிப்பிடத்தக்கது.

கேரளாவை சேர்ந்த பிரபல தடய அறுவை சிகிச்சை நிபுணர் ஒருவர் தான் காவல்துறை பணியில் இருந்தபோது சந்தித்த முக்கிய வழக்கு குறித்த உண்மைக்கதையில் இந்த படம் உருவாகி வருகிறது. அனுப் பணிக்கர் என்ற மலையாள இயக்குனர் இயக்கும் இந்த படத்திற்கு அபிலாஷ் பிள்ளை என்பவர் திரைக்கதை எழுதுகிறார்

சமீபத்தில் விஷ்ணுவுடன் அமலாபால் நடித்த சூப்பர் ஹிட் வெற்றிப்படமான 'ராட்சசன்' படத்தின் எடிட்டர் சான் லோகேஷ், கலை இயக்குனர் கோபி ஆனந்த் மற்றும் ஸ்டண்ட் இயக்குனர் விக்கி ஆகியோர்கள் இந்த படத்திலும் பணிபுரிகின்றனர் என்பது குறிப்பிடத்தக்கது.