అమల అక్కినేని రీ ఎంట్రీ..!
- IndiaGlitz, [Saturday,August 20 2016]
అక్కినేని అమల నాగార్జున‌ను పెళ్లి చేసుకున్న తర్వాత సినిమాల‌కు గుడ్ బై చెప్పేసిన విష‌యం తెలిసిందే. ఇటీవ‌ల శేఖ‌ర్ క‌మ్ముల తెరకెక్కించిన లైఫ్ ఈజ్ బ్యూటీఫుల్ చిత్రంతో అమల రీ ఎంట్రీ ఇచ్చారు. అయితే...అమల రీ ఎంట్రీ లైఫ్ ఈజ్ బ్యూటీఫుల్ లో క్యాన్స‌ర్ పేషంట్ గా న‌టించ‌డం అభిమానుకు మాత్ర‌మే కాదు నాగార్జున‌కు కూడా న‌చ్చ‌లేదు.
అందుక‌నే అనుకుంట అమల ఆత‌ర్వాత తెలుగు సినిమాల్లో న‌టించ‌లేదు. హిందీ సినిమా హ‌మారీ అధూరికి క‌హానీలో అమల న‌టించారు. ఇప్పుడు అమల మల‌యాళ చిత్రంలో న‌టిస్తుండ‌డం విశేషం. కేరాఫ్ సైరాభాను అనే టైటిల్ తో రూపొందే ఈ చిత్రంలో అమల లాయ‌ర్ గా న‌టిస్తుంద‌ట. న్యూ డైరెక్ట‌ర్ ఏంటోనీ సోని ఈ చిత్రాన్ని తెర‌కెక్కిస్తున్నారు. మ‌ల‌యాళంలో చివ‌ర‌గా అమల మోహ‌న్ లాల్ తో ఉల్లాద‌క్కం అనే సినిమాలో న‌టించారు. ఈ సినిమా రిలీజై దాదాపు 25 సంవ‌త్స‌రాలు అవుతున్న త‌రుణంలో అమల మ‌ల్లువుడ్ లో రీ ఎంట్రీ ఇస్తుండ‌డం విశేషం.