'தனுஷின்' 'அம்மா கணக்கு' ரிலீஸ் தேதியில் மாற்றம்
- IndiaGlitz, [Thursday,June 09 2016]
தனுஷ் தயாரிப்பில் உருவாகியுள்ள 'அம்மா கணக்கு' படத்தின் டிரைலர் சமீபத்தில் ரிலீஸ் ஆகியது. மேலும் இந்த படத்தின் பிரஸ்மீட் நேற்று சென்னையில் நடைபெற்றது. இந்நிலையில் இந்த படத்தின் ரிலீஸ் தேதி தற்போது அறிவிக்கப்பட்டுள்ளது.
இந்த படம் ஜூன் 17ஆம் தேதி ரிலீஸ் ஆகும் என்று ஏற்கனவே செய்திகள் வெளிவந்த நிலையில் தற்போது ஒரு வாரம் தள்ளி அதாவது ஜூன் 24 ஆம் தேதி ரிலீஸ் ஆகவுள்ளதாக செய்திகள் வெளிவந்துள்ளது. ரிலீஸ் தேதியுடன் கூடிய போஸ்டர் ஒன்றும் இன்று காலை முதல் சமூக இணையதளங்களில் வலம் வந்து கொண்டிருக்கின்றது.
அமலாபால், சமுத்திரக்கனி, ரேவதி உள்பட பலர் நடித்துள்ள இந்த படத்தை அஸ்வினி ஐயர் இயக்கியுள்ளார். இசைஞானி இளையராஜா இந்த படத்திற்கு இசையமைத்துள்ளார். இந்த படம் அமலாபாலுக்கு மிகச்சிறந்த படமாக அமையும் என்றும் இந்த படத்திற்காக அவருக்கு தேசிய விருது கிடைக்க வாய்ப்பு இருப்பதாகவும் கூறப்படுகிறது.