தனுஷ் படத்தில் இணைந்த அமலாபால்!
- IndiaGlitz, [Saturday,February 01 2020]
தனுஷ் மற்றும் அமலாபால் இணைந்து ’வேலையில்லா பட்டதாரி’ மற்றும் ’வேலையில்லா பட்டதாரி 2’ ஆகிய படங்களில் நடித்துள்ள நிலையில் தற்போது தனுஷின் ரீமேக் படம் ஒன்றில் அமலாபால் முக்கிய வேடத்தில் நடிக்கவிருப்பதாக செய்திகள் வெளிவந்துள்ளது.
தனுஷ் நடிப்பில் வெற்றிமாறன் இயக்கத்தில் ஜிவி பிரகாஷின் இசையில் கடந்த ஆண்டு வெளிவந்த வெற்றி படங்களில் ஒன்று அசுரன். இந்த படத்தின் தெலுங்கு ரீமேக் பணிகள் நடைபெற்று வருவது தெரிந்ததே. தனுஷ் கேரக்டரில் வெங்கடேஷ், மஞ்சு வாரியர் கேரக்டரில் ப்ரியாமணி நடித்து வரும் நிலையில் தற்போது ’அசுரன்’ படத்தில் முக்கிய கேரக்டர் ஒன்றில் மிகவும் சிறப்பாக நடித்த அம்மு அபிராமி கேரக்டரில் அமலாபால் நடிக்க இருப்பதாக செய்திகள் வெளியாகியுள்ளது இதுகுறித்த அதிகாரப்பூர்வ அறிவிப்பு விரைவில் வெளியாகும் என தெரிகிறது.
’நாரப்பா’ என்ற டைட்டில் வைக்கப்பட்டுள்ள இந்த படத்தில் அமலாபால் இணைந்துள்ளதை அடுத்து இந்த படத்திற்கு ஏற்பட்ட எதிர்பார்ப்பு அதிகரித்து உள்ளதாக தெலுங்கு சினிமா வட்டாரங்கள் கூறுகின்றன.இந்த படத்தின் பர்ஸ்ட் லுக் சமீபத்தில் வெளிவந்து இணையதளங்களில் பெரும் வரவேற்பை பெற்றது என்பது குறிப்பிடத்தக்கது.