தனுஷின் அடுத்த படத்தில் அமலாபால்..? ஆனால் ரசிகர்கள் ஏமாற்றம்.. என்ன காரணம்?
- IndiaGlitz, [Friday,June 23 2023]
தனுஷின் அடுத்த திரைப்படத்தில் அமலாபால் நடிக்க இருப்பதாக தகவல் வெளிவந்தாலும் அவரது ரசிகர்கள் இன்னொரு தகவலால் ஏமாற்றத்துடன் இருப்பதாக கூறப்படுகிறது.
தனுஷ் நடிக்க இருக்கும் 50-வது திரைப்படத்தை அவரே இயக்க உள்ளார் என்பதும் இந்த படத்தில் ஏற்கனவே அபர்ணா பாலமுரளி மற்றும் துஷாரா விஜயன் ஆகியோர் நடிக்க இருப்பதாக கூறப்படுகிறது.
தனுஷின் தங்கையாக துஷாரா விஜயன் இருப்பதாகவும் சந்திப் கிஷானுக்கு ஜோடியாக அபர்ணா பாலமுரளி நடிக்க இருப்பதாகவும் கூறப்பட்டது. மேலும் இந்த படத்தில் விஷ்ணு விஷால், எஸ்ஜே சூர்யா, காளிதாஸ் ஜெயராமன் ஆகியோர் முக்கிய கேரக்டரில் நடிக்க இருப்பதாக தெரிகிறது
இந்த நிலையில் ‘வேலையில்லா பட்டதாரி’ படத்தின் இரண்டு பாகங்களிலும் தனுஷ் ஜோடியாக நடித்த அமலா பால் இந்த படத்தில் இணைந்துள்ளதாகவும் மேற்கண்ட இரண்டு படங்களில் இருவருக்கும் கெமிஸ்ட்ரி சூப்பராக இருந்த நிலையில் இந்த படத்திலும் அதே கெமிஸ்ட்ரி தொடரும் என்றும் எதிர்பார்க்கப்பட்டது.
ஆனால் அமலாபாலும் இந்த படத்தில் தனுஷூக்கு ஜோடி இல்லை என்று கூறப்படுவது ரசிகர்களுக்கு ஏமாற்றம் அளித்துள்ளது. இந்த படத்தில் ஏற்கனவே கமிட் ஆகியுள்ள அமலா பால், துஷாரா விஜயன், அபர்ணா பாலமுரளி ஆகிய மூவருமே தனுஷூக்கு ஜோடி இல்லை என்றால் அவருக்கு யார் தான் ஜோடி? என்ற கேள்வி எழுந்துள்ளது. இந்த கேள்விக்கு விரைவில் விடை கிடைக்கும் என்று எதிர்பார்க்கப்படுகிறது.