`జెర్సీ` రీమేక్‌లో అమలాపాల్
- IndiaGlitz, [Monday,August 12 2019]
ఈ ఏడాది ఏప్రిల్‌లో విడుదలైన తెలుగు చిత్రం 'జెర్సీ' మంచి విజయాన్ని సొంతం చేసుకున్న సంగతి తెలిసిందే. నాని, గౌతమ్ తిన్ననూరి కాంబినేషన్‌లో రూపొందిన స్పోర్ట్స్ బ్యాక్‌డ్రాప్ ఎమోషనల్ మూవీ ఇది. ఈ చిత్రాన్ని ఇటు కోలీవుడ్.. అటు బాలీవుడ్‌లో రీమేక్ చేయబోతున్నారు. కోలీవుడ్ విషయానికి వస్తే.. విష్ణు విశాల్ హీరోగా 'జెర్సీ' రీమేక్ కానుందని వార్తలు వినపడుతున్నాయి.
క్రికెట్ టచ్ బాగా ఉండటంతో విష్ణు విశాల్‌తో సినిమాలు చేయడానికి నిర్మాతలు ముందుకు వచ్చారు. తెలుగులో శ్రద్ధా శ్రీనాథ్ చేసిన పాత్రను తమిళంలో అమలాపాల్ చేయనుందని టాక్. ఒకవేళ నిజంగానే అమలాపాల్ నటిస్తే మాత్రం వీరిద్దరూ 'రాక్షసన్' తర్వాత జంటగా నటించే చిత్రమిదే అవుతుంది. త్వరలోనే ఈ సినిమాకు సంబంధించిన అధికారిక సమాచారం వెలువడుతుందని కోలీవుడ్ వర్గాలు అంటున్నాయి.