அமலாபால் நடித்த 'ஆடை' ரிலீஸ் தேதி அறிவிப்பு
- IndiaGlitz, [Saturday,June 29 2019]
நடிகை அமலாபால் நடித்த ஆடை' திரைப்படத்தின் ஃபர்ஸ்ட்லுக் போஸ்டர் கடந்த சில மாதங்களுக்கு முன் பரபரப்பை ஏற்படுத்திய நிலையில் சமீபத்தில் வெளிவந்த இந்த படத்தின் டீசர் பெரும் அதிர்வலைகளை ஏற்படுத்தியது. இந்த டீசரில் அமலாபால் ஆடையில்லாமல் நடித்த ஒரு காட்சி குறித்தே கோலிவுட் திரையுலகம் கடந்த ஒரு வாரமாக பேசி கொண்டிருக்கின்றது.
இந்த நிலையில் 'ஆடை' படத்தின் ரிலீஸ் தேதி தற்போது ஜூலை 19 என அறிவிக்கப்பட்டு ரிலீஸ் தேதியுடன் கூடிய புதிய போஸ்டரும் வெளியாகியுள்ளது. பெரிய ஹீரோ, முன்னணி இயக்குனர் இல்லாமல் அமலாபாலின் 'ஆடை'யை மட்டுமே வைத்து புரமோஷன் செய்யப்பட்டும் இந்த படத்திற்கு மிகப்பெரிய எதிர்பார்ப்பு ஏற்பட்டுள்ளது என்பது உண்மை
சென்சாரில் 'ஏ' சர்டிபிகெட் பெற்ற இந்த படத்தில் அமலாபால், ரம்யா சுப்பிரமணியன், ஆதிராஜ், விவேக் பிரசன்னா, ரோஹித் நந்தகுமார் உள்பட பலர் நடித்துள்ளனர். த்ரில் திரைப்படமான 'ஆடை' திரைப்படத்தை ரத்னகுமார் இயக்கியுள்ளார். பிரதீப்குமார் இசையில் விஜய் கார்த்திக்கண்ணன் ஒளிப்பதிவில் உருவாகியுள்ள இந்த படத்தை 'வீ ஸ்டுடியோஸ்' நிறுவனம் தயாரித்துள்ளது.