అమ‌లాకి గిప్ట్‌లాంటి సినిమా
- IndiaGlitz, [Friday,October 30 2015]
పెళ్ల‌య్యాక అమ‌లాపాల్ న‌టిస్తున్న త‌మిళ చిత్రం 'ప‌సంగ 2'. తెలుగులో ఈ సినిమా 'మేము' పేరుతో అనువాదం కానుంది. సూర్య ఓ కీల‌క పాత్ర‌లో న‌టించిన ఈ సినిమా కోసం అమ‌లా అత‌ని ప‌క్క‌న జోడీగా న‌టించింది. ఇదిలా ఉంటే.. ఈ సినిమాలో అమ‌లా పాత్ర నిడివి త‌క్కువే అయినా.. వేరియేష‌న్స్ మాత్రం చాలానే ఉంటాయ‌ట.
పెళ్లికాని యువ‌తి నుంచి సూర్య‌తో పెళ్లి జరిగే సీన్స్‌, సీమంతం స‌న్నివేశాలు.. పిల్ల‌ల త‌ల్లిగా క‌నిపించే దృశ్యాలు.. ఇలా కంప్లీట్‌నెస్ ఉన్న రోల్‌లో అమ‌లా క‌నిపించ‌నుంద‌ట. 'ప‌సంగ 2'.. త‌న‌కి గిఫ్ట్‌లాంటి సినిమా అని అమ‌లా సంబ‌రంగా చెప్పుకొస్తోంద‌ట. న‌వంబ‌ర్ చివ‌ర‌లో కానీ డిసెంబ‌ర్‌లో కానీ ఈ చిత్రం విడుద‌ల కానుంది.