அமலாபால் எடுத்த அடுத்த அவதாரம்
- IndiaGlitz, [Monday,January 02 2017]
கோலிவுட் திரையுலகில் இளளயதளபதி விஜய், தனுஷ், சிம்பு, உள்பட பல நடிகர்களும், லட்சுமி மேனன், ரம்யா நம்பீசன், மடோனா செபாஸ்டியன் போன்ற நடிகைகளும் பாடல்கள் பாடி வரும் நிலையில் இந்த பட்டியலில் தற்போது அமலாபால் இணைந்துள்ளார்.
ஜெயராம், பிரகாஷ் ராஜ் நடித்து வரும் 'அச்சான்யன்ஸ்' என்னும் மலையாள திரைப்படத்தில் அமலாபால் முக்கிய வேடத்தில் நடித்து வருகிறார். அதுமட்டுமின்றி இந்த படத்தில் அவர் ஒரு பாடலை பாடவுள்ளதாக செய்திகள் வெளிவந்துள்ளது.
அமலாபால் பாடும் பாடல் டியூன் அமைக்கும் பணிகள் மும்முரமாக நடைபெற்று வருவதாகவும், விரைவில் இந்த பாடல் ஒலிப்பதிவு செய்யப்படவுள்ளதாகவும், இதற்காக அமலாபால் தயாராகி வருவதாகவும் கூறப்படுகிறது.
மேலும் அமலாபால் தற்போது தனுஷுடன் 'வடசென்னை', 'வேலையில்லா பட்டதாரி 2', பாபிசிம்ஹாவுடன் 'திருட்டுப்பயலே' ஆகிய படங்களில் நடித்து வருகிறார் என்பது குறிப்பிடத்தக்கது.