கடந்த சில மாதங்களாகவே நடிகை அமலாபால் ஊடகங்களின் தலைப்பு செய்திகளில் இடம்பெற்று கொண்டிருக்கின்றார்,. இயக்குனர் விஜய்யை விவாகரத்து செய்த பின்னர் கோலிவுட்டின் பிசியான நடிகையாக மாறிய அமலாபால், சமீபத்தில் வெளிநாட்டு கார் வாங்கியதில் ஏற்பட்ட வரி பிரச்சனை, தனக்கு பாலியல் தொல்லை கொடுத்த தொழிலதிபரை தைரியமாக போலீசிடம் பிடித்து கொடுத்தது போன்ற பரபரப்பு செய்திகளில் இடம்பெற்றுள்ளார்

இந்த நிலையில் நேற்றைய காதலர் தினத்தை அவர் தனது செல்ல நாய்க்குட்டியுடன் கொண்டாடியதாக புகைப்படத்துடன் கூடிய தகவலை தனது சமூக வலைத்தளத்தில் பதிவு செய்துள்ளார். மேலும் பயணம் செய்வதன் மூலம் நிறைய கற்றுக்கொள்ள முடிவதாகவும் அவர் அந்த பதிவில் தெரிவித்துள்ளார்.

அமலாபால் நடித்த 'பாஸ்கர் ஒரு ராஸ்கல்' திரைப்படம் மிக விரைவில் வெளியாகவுள்ள நிலையில் அவர் தற்போது 'ராட்சஷன்' என்ற படத்தில் விஷ்ணுவுடன் நடித்து வருகிறார் என்பது குறிப்பிடத்தக்கது.