'பொன்னியின் செல்வன்' படத்தில் இணைந்த மேலும் இரண்டு பிரபல நடிகைகள்
- IndiaGlitz, [Thursday,July 25 2019]
பிரபல இயக்குனர் மணிரத்னம் இயக்கவுள்ள மல்டி ஸ்டார் திரைப்படமான 'பொன்னியின் செல்வன்' திரைப்படத்தில் தமிழ் திரையுலகின் முன்னணி நட்சத்திரங்கள் பலர் இணைந்துள்ளனர். இந்த படத்தில் கார்த்தி, ஜெயம் ரவி, விக்ரம், ஐஸ்வர்யாராய், கீர்த்திசுரேஷ், அனுஷ்கா, நயன்தாரா உள்ளிட்ட பலர் நடிகர், நடிகைகள் நடிக்கவுள்ளதாக ஏற்கனவே செய்தி வெளிவந்துள்ளது
இந்த நிலையில் தற்போது அமலாபால் மற்றும் ஐஸ்வர்யா லட்சுமி ஆகிய இருவரும் 'பொன்னியின் செல்வன்' படத்தில் இணைந்துள்ளதாக தெரிகிறது. இருப்பினும் இந்த படம் குறித்த அதிகாரபூர்வ அறிவிப்புக்கு பின்னரே இந்த படத்தில் நடிக்கும் நட்சத்திரங்களின் இறுதிப்பட்டியல் குறித்த தகவல்கள் தெரிய வரும்.
லைகா நிறுவனத்தின் பிரமாண்டமான தயாரிப்பு திரைப்படமான இந்த படத்திற்கு ஏ.ஆர்.ரஹ்மான் இசையமைக்கவுள்ளார். இந்த படம் தமிழ் திரையுலகம் மட்டுமின்றி இந்திய திரையுலகமே வியந்து பார்க்கும் ஒரு படமாக இருக்கும் என கருதப்படுகிறது