టాలీవుడ్‌లో స్టార్ హీరోయిన్‌గా రాణిస్తున్న ముద్దుగుమ్మ ర‌కుల్ ప్రీత్ సింగ్ నెమ్మ‌దిగా త‌మిళ సినిమా రంగం వైపు దృష్టి సారిస్తుంది. ఇప్పుడు ర‌కుల్‌కు త‌మిళం నుండి కూడా వ‌రుస అవ‌కాశాలు వ‌స్తున్నాయి. ప్ర‌స్తుతం త‌మిళంలో మ‌హేష్‌బాబు, మురుగ‌దాస్ సినిమా ఎలాగూ విడుద‌ల‌వుతుంది. ఈ సినిమా కాకుండా త‌మిళంలో కార్తీతో సినిమా చేస్తుంది. కార్తీతో కాకుండా అన్న సూర్యతో కూడా న‌టించ‌మ‌ని ఆఫ‌ర్ వ‌చ్చింద‌ట ర‌కుల్ ప్రీత్‌కి. అయితే ఇంకా డిస్క‌ష‌న్స్ జ‌రుగుతున్నాయ‌ని, అగ్రిమెంట్ సైన్ చేయ‌లేద‌ని ర‌కుల్ చెప్పుకొచ్చింది. సెల్వ‌రాఘ‌వ‌న్ ద‌ర్శ‌క‌త్వంలో సూర్య హీరోగా డ్రీమ్ వారియ‌ర్ పిక్చ‌ర్స్ బ్యాన‌ర్‌పై రూపొంద‌నున్న సినిమాలో ర‌కుల్ ప్రీత్ సింగ్ హీరోయిన్‌గా నటించ‌నుంది.