கடந்த சில வாரங்களாகவே இயக்குனர் அல்போன்ஸ் புத்திரன் பதிவுக்கு நெட்டிசன்கள் கேலியும் கிண்டலும் செய்து வரும் நிலையில் சமீபத்தில் அவர் செய்த பதிவுக்கு நெட்டிசன்கள் வரவேற்பு தெரிவித்து வருவது ஆச்சரியத்தை ஏற்படுத்தியுள்ளது.

’நேரம்’ ‘பிரேமம்’ போன்ற அற்புதமான படங்களை இயக்கியவர் இயக்குனர் அல்போன்ஸ் புத்திரன் என்பதும் ஆனால் அதன் பிறகு இவர் இயக்கிய படங்கள் பெரிய அளவில் வரவேற்பை பெறவில்லை என்பதும் குறிப்பிடத்தக்கது.

இந்த நிலையில் கடந்த சில மாதங்களுக்கு முன்னால் தனக்கு ஆட்டிசம் பாதித்திருப்பதாக கூறிய அல்போன்ஸ் புத்திரன் அதன் பிறகு செய்த சில பதிவுகள் கேலிக்கும் கிண்டலுக்கும் உள்ளானது.

இந்த நிலையில் தனது இன்ஸ்டாகிராம் பக்கத்தில் அல்போன்ஸ் புத்திரன் பதிவு செய்த நிலையில் வழக்கம் போல் நெட்டிசன்கள் ட்ரோல் செய்யாமல் இந்த பதிவை வரவேற்றுள்ளனர். ’உணவு டெலிவரி செய்யும் ஸ்விக்கி நிறுவனம் வேகமாகவும் சரியான நேரத்திற்கும் டெலிவரி செய்து வருகிறது. அதேபோல் சாதாரண மக்களுக்கும் ஊனமுற்றவருக்கும் வீட்டிற்கே சென்று சிறந்த மருத்துவம் பார்க்கும் வகையில் ஒரு வசதியை ஆரம்பியுங்கள்.

ஹோட்டல்கள் மற்றும் இன்ஸ்டாமார்ட் கடைகளை போல அனைத்து துறைகளின் சேவை எளிதில் மக்களுக்கு கிடைக்கப்பெற வேண்டும். குறிப்பாக மருத்துவம் வீட்டுக்கே வந்து சேர வேண்டும். சரியாக இதை நீங்கள் ஒரு மாதத்திற்குள் பின்பற்றினால் உலகிலேயே மிகச்சிறந்த நிறுவனம் ஆகி விடுவீர்கள்’ என்று தெரிவித்துள்ளார்

இதுவரை யாருக்கும் தோன்றாத இந்த ஐடியாவை அல்போன்ஸ் தெரிவித்துள்ளதை அடுத்து நெட்டிசன்கள் அவருக்கு வாழ்த்து தெரிவித்து வருகின்றனர்

View this post on Instagram

A post shared by Alphonse Puthran M (@puthrenalphonse)