நீண்ட இடைவெளிக்கு பின் சேரன் இயக்கி வரும் 'திருமணம்' படத்தின் படப்பிடிப்பு விறுவிறுப்புடன் நடந்து வருகிறது. இந்த படத்தின் இசை வெளியீட்டு விழா சமீபத்தில் சென்னையில் நடைபெற்றது. சித்தார்த் விபின் இசையில் வெளியான இந்த படத்தின் அனைத்து பாடல்களும் ஹிட் என்பது குறிப்பிடத்தக்கது

இந்த நிலையில் 'திருமணம்' படத்தை ஒருபக்கம் இயக்கி வரும் சேரன், இன்னொரு பக்கம் ஒரு படத்தில் நாயகனாகவும் நடித்து வருகிறார். இந்த படத்திற்கு 'ராஜாவுக்கு செக்' என்ற டைட்டில் உறுதி செய்யப்பட்டுள்ளது.

சேரன் முக்கிய வேடத்தில் நடித்து வரும் இந்த படத்தில் நந்தனா வர்மா, ஸ்ருஷ்டி டாங்கே ஆகிய இரண்டு நாயகிகள் நடித்து வருகின்றனர். த்ரில்லர் படமாக உருவாகி வரும் இந்த படத்தை ராஜ்குமார் என்பவர் இயக்கி வருகிறார். இவர் ஜெயம் ரவி, ஸ்ரேயா நடித்த 'மழை' படத்தை இயக்கியவர் என்பது குறிப்பிடத்தக்கது.