బాలయ్య సినిమాల టైటిల్స్ తో అల్లుడు సింగంలో సాంగ్..!
- IndiaGlitz, [Thursday,December 08 2016]
బాల‌కృష్ణ అభిమానుల‌కు సంక్రాంతికి ముందే స్పెష‌ల్ ధ‌మ‌కా. గ‌తంలో నంద‌మూరి తార‌క రామారావు గారి సినిమాల టైటిల్స్ తో మ‌నుషులంతా ఒక్క‌టే చిత్రంలో ఎన్టీఆర్ - మంజుల పై నిన్నే పెళ్లాడ‌తా అనే పాట‌ను చిత్రీక‌రించారు. 40 సంవ‌త్స‌రాల తర్వాత ఎన్టీఆర్ కుమారుడు బాల‌కృష్ణ సినిమాల టైటిల్స్ తో అల్లుడు సింగం చిత్రం కోసం వ‌చ్చాడు వ‌చ్చాడు బొబ్బిలి సింహం...
అనే పాట రాయించామ‌ని నిర్మాత రావిపాటి స‌త్య‌నారాయ‌ణ తెలియ‌చేసారు. ఈ పాట‌ను వ‌న‌మాలి రాయ‌గా లెజెండ్ సినిమాలో టైటిల్ సాంగ్ పాడిన ఎం.ఎల్.ఆర్ కార్తికేయ‌న్ పాడించాం. ఈ పాట సినిమాకు హైలెట్ గా నిలుస్తుంది అని నిర్మాత తెలియ‌చేసారు. అల్లుడు సింగం సరసన అంజ‌లి హీరోయిన్ గా న‌టించిన విభిన్న‌మైన ఈ చిత్రానికి వ‌న‌మాలి అన్ని పాట‌లు రాయ‌గా సంగీత దర్శకుడు ర‌ఘ‌నంద‌న్ స్వ‌ర‌ప‌రిచారు. రాజ‌శేఖ‌ర్ ఈ చిత్రానికి ద‌ర్శ‌క‌త్వం వ‌హించారు.ఈ చిత్రాన్ని ఈనెల 30న రిలీజ్ చేయ‌నున్న‌ట్టు నిర్మాత తెలిపారు.