శ్రీర‌స్తు శుభ‌మ‌స్తు చిత్రంతో మంచి స‌క్సెస్‌ను త‌న ఖాతాలో వేసుకున్న మెగా క్యాంప్ హీరో, అల్లువారి అబ్బాయి అల్లుశిరీష్ ఇప్పుడు త‌న త‌దుప‌రి చిత్రాన్ని సెట్స్‌లోకి తీసుకెళ్ళ‌డానికి రంగం సిద్ధం చేసుకుంటున్నాడు. రీసెంట్‌గా నిఖిల్ హీరోగా రూపొందుతోన్న ఎక్క‌డికి పోతావు చిన్న‌వాడా..సినిమాను తెర‌కెక్కించిన ద‌ర్శ‌కుడు విఐ.ఆనంద్ ద‌ర్శ‌క‌త్వంలో శిరీష్ సినిమా చేయ‌డానికి ఆస‌క్తిని ప్ర‌ద‌ర్శిస్తున్నాడు.

నిఖిల్ సినిమాకు ముందు సందీప్‌కిష‌న్‌తో్ టైగ‌ర్ సినిమాను డైరెక్ట్ చేశాడు విఐ.ఆనంద్‌. రీసెంట్‌గా శిరీష్‌ను క‌లిసి ఆనంద్ త‌న లైన్‌ను వినిపించాడ‌ట‌. సినిమా కాన్సెప్ట్ న‌చ్చ‌డంతో పాటు సినిమాను ఆనంద్ ఎలా తీయాల‌నుకుంటున్నాడ‌నే విష‌యం న‌చ్చ‌డంతో బౌండెడ్ స్క్రిప్ట్ త‌యారుచేయ‌మ‌ని ఆనంద్‌కు శిరీష్ చెప్పాడ‌ట‌. ప్ర‌స్తుతం ఆనంద్ క‌థ‌ను డెవ‌ల‌ప్ చేసే ప‌నిలో ఉన్నాడ‌ట‌.