సరైనోడు సెంటిమెంట్ అల్లు శిరీష్ కి కలిసొచ్చేనా..?
- IndiaGlitz, [Thursday,July 28 2016]
అల్లు శిరీష్ హీరోగా ప‌రుశురామ్ తెరకెక్కించిన చిత్రం శ్రీర‌స్తు - శుభ‌మ‌స్తు. ఈ చిత్రాన్ని గీతా ఆర్ట్స్ బ్యాన‌ర్ లో అల్లు అర‌వింద్ నిర్మించారు. ఆగ‌ష్టు 5న ప్రేక్ష‌కుల ముందుకు వ‌చ్చేందుకు రెడీ అవుతుంది. గౌర‌వం సినిమాతో హీరోగా ప‌రిచ‌య‌మైన అల్లు శిరీష్ కొత్త జంట సినిమాతో స‌క్సెస్ సాధించాడు. అయితే...సూప‌ర్ హిట్ కోసం త‌పిస్తున్న శిరీష్ శ్రీర‌స్తు - శుభ‌మ‌స్తు సినిమా పై చాలా న‌మ్మ‌కం పెట్టుకున్నాడు. ఈ సినిమాతో సూప‌ర్ హిట్ సాధించాల‌ని సరైనోడు సెంటిమెంట్ ను ఫాలో అవుతున్నాడు. ఇంత‌కీ...సరైనోడు సెంటిమెంట్ ఏమిటంటారా..? సరైనోడు సినిమాకి త‌మ‌న్ మ్యూజిక్ అందించాడు. అలాగే గీతా ఆర్ట్స్ సరైనోడు సినిమాని నిర్మించారు. అలాగే శ్రీర‌స్తు - శుభ‌మ‌స్తు చిత్రానికి కూడా త‌మ‌న్ మ్యూజిక్ అందించ‌డం, గీతా ఆర్ట్స్ లోనే ఈ చిత్రాన్ని కూడా నిర్మించ‌డం విశేషం.
సరైనోడు సినిమాకి ప్రీ రిలీజ్ ఫంక్ష‌న్ చేసారు. ఆ ఫంక్ష‌న్ కి చిరంజీవి గెస్ట్ గా వ‌చ్చారు. ఇప్పుడు శ్రీర‌స్తు - శుభ‌మ‌స్తు చిత్రానికి కూడా ప్రీ రిలీజ్ ఫంక్ష‌న్ చేస్తున్నారు. ఈ ఫంక్ష‌న్ కి కూడా చిరంజీవి గెస్ట్ గా రాబోతున్నారు. అంతే కాకుండా...సరైనోడు, శ్రీర‌స్తు - శుభ‌మ‌స్తు ఈ రెండు టైటిల్స్ ఇంగ్లీషు అక్ష‌రం ఎస్ తోనే ప్రారంభం అవుతున్నాయి. ఈవిధంగా సరైనోడు ను ఫాలో అవుతున్న శ్రీర‌స్తు శుభ‌మ‌స్తు సెంటిమెంట్ వ‌ర్క‌వుట్ అయి అల్లు శిరీష్ కి సూప‌ర్ హిట్ ని అందిస్తుందేమో చూడాలి.