అల్లు అర్జున్ - త్రివిక్రమ్ సినిమా పేరులో మార్పు
- IndiaGlitz, [Friday,September 27 2019]
'నాపేరుసూర్య నా ఇల్లు ఇండియా' సినిమా తర్వాత బ‌న్నీ హీరోగా న‌టిస్తోన్న చిత్రం 'అల.. వైకుంఠ‌పుర‌ములో..'. జులాయి, స‌న్నాఫ్ స‌త్య‌మూర్తి చిత్రాల తర్వాత బ‌న్నీ, త్రివిక్రమ్ కాంబినేష‌న్‌లో రూపొందుతోన్న హ్యాట్రిక్ మూవీ. అల్లు అర‌వింద్‌, ఎస్‌.రాధాకృష్ణ నిర్మాత‌లు. సినిమా సంక్రాంతి సంద‌ర్భంగా జ‌న‌వ‌రి 12న విడుద‌ల కానుంది. ఇప్ప‌టికే ఈ సినిమాకు సంబంధించిన విజువ‌ల్ టైటిల్ ప్రొమో, పోస్టర్‌కి మంచి స్పంద‌న వ‌చ్చింది. తాజాగా ఈ సినిమాలో సాంగ్‌కు సంబంధించిన 'సామ‌జ‌వ‌ర‌గ‌మ‌న.. ' అనే సాంగ్ ప్రొమోను చిత్ర యూనిట్ విడుద‌ల చేసింది.
ఈ సినిమా విష‌యంలో సెంటిమెంట్‌గా కూడా యూనిట్ కాంప్ర‌మైజ్ కావాల‌నుకోవ‌డం లేదు. అందుకు ఉదాహ‌ర‌ణ‌గా ఈ సినిమా ఇంగ్లీష్ టైటిల్‌లో చిన్న మార్పు క‌న‌ప‌డింది. ఇది వ‌ర‌కు సినిమా ఇంగ్లీష్ టైటిల్‌ను ala vaikuntapuramulo గా పెట్టారు. అయితే ఇప్పుడు సాంగ్ ప్రొమో విడుద‌ల స‌మ‌యంలో దీన్ని ala vaikuntapurramulooగా మార్చారు. పూజా హెగ్డే హీరోయిన్‌గా న‌టిస్తోన్న ఈ చిత్రంలో ట‌బు కీల‌క పాత్ర‌లో న‌టిస్తుంది. జ‌య‌రాం, ముర‌ళీశ‌ర్మ త‌దిత‌రులు కీల‌క పాత్ర‌ధారులుగా న‌టించారు. కోటీశ్వ‌రుడు, పేద‌వాడు స్థానాలు తారుమారైతే వ‌చ్చే మార్పుల‌ను ఆధారంగా ఫ్యామిలీ ఎంట‌ర్‌టైన‌ర్‌లా ఈ సినిమాను తెర‌కెక్కిస్తున్నారు. ఈ సినిమా తర్వాత బ‌న్నీ, సుకుమార్ కాంబినేష‌న్‌లో సినిమా రూపొంద‌నుంది.